Cancer di Prostaat

Kico ta Cancer di Prostaat?

Prostaat

E prostaat ta un organo ku ta presente unicamente na homber. E prostaat ta localisa bou di e blaas di orina y dilanti di e rektum. E prostaat ta rondona e canal di urina, e ta produci likido den e canal di orina na e momento di eyaculacion di e sperma.

Cancer di Prostaat

Cancer di prostaat ta surgi ora ku celnan abnormal ta forma, ta crece y ta desayora den e prostaat. Cancer di prostaat por ta mortal si e plama for di e prostaat. E causa di cancer di prostaat no ta conoci ainda, pero cierto factornan cu por hisa bo chens di haya cancer di prostaat ta edad, cancer den famia y rasa.

Sintomanan di Cancer
di Prostaat

  • No tin sintomanan, pa e motibo aki, ta importante pa controla bo PSA via bo dockter di cas
  • Den estadia nan leu of halto so, bo por tin dolo di weso of problema di orina.

Ki ora bo mester haci bo
PSA test

  • Si bo no tin nuin sintoma di orina, check bo PSA unabes pa aña. Cuminsa cu esaki ora bo edad ta 50 aña bay ariba of cu 45 aña bay ariba, si bo tin cancer den famia. 
  • Si bo a bay cerca bo dokter di cas cu sintomanan di orina, bo doctor di cas lo check bo PSA.

Detectando Cancer
di Prostaat

Con bo por sa si bo tin cancer di prostaat? E testnan mas comun cu ta wordo haci pa indica si
bo por tin cancer di prostaat ta PSA ( specifico antigeno di prostaat) of DRE( Examen Digital Rectal).

Cancer di Prostaat

E test specifico antigeno di prostaat of PSA

E nivel normal di PSA ta considera bou di 3 nanogram pa mililitro(mg/mf) di sanger. Si e PSA ta mas cu 3.0, esey no kiermen ainda cu bo tin cancer di prostaat, pero esey kiermen cu bo por tin prostatitis, prostaat grandi of hincha y tambe cancer di prostaat. Ta hopi importante, pa bo check cu bo doctor di cas.

Cancer di Prostaat

Examen Digital Rectal of DRE

DRE ta un manera di yuda diagnostica un problema di prostaat. E dokter of specialista cu handschoen bisti ta fula si tin conopi of algo duro riba e prostaat of partinan iregular y pa sa su grandura. Si bo prostaat ta mas grandi cu ta di spera, esaki por ta un señal di un prostaat hincha. Un prostaat cu conopi duro por indica cancer di prostaat.

Urologo Aruba

Team di Urologo na Aruba

Dr. R.K. LEONG, Dr. J.J.P. PETRONILIA; & Dr. E.J.G.C. GONZALEZ CASTRO.

Biopsia y Gleason Score

  • Etre otro, si examen fisico (DRE) of PSA constata un problema, bo urologo por recomenda bo pa haci un Biopsia. Nan ta hinca un hangua door di e muraya di bo rectum. Tehidonan chikito ta wordo kita y examina bou di un microscop.
  • Biopsia ta e miho moda pa detecta cancer cu por pronostica si e cancer ta crece poco poco of si e ta agresivo. 
  • Un patologo ta busca celnan abnormal y e “grado” di e tehido cu nan a kita di 1 te 5.
  • E scorenan aki ta yuda determina e cambionan di e cancer cu ta plama.
  • E score di Gleason ta yuda guia ki tipo di tratamento bo dokter por recomenda bo.

Estadia di Cancer di Prostaat

  • A: Ta chikito ainda.
  • B: Tumor no a extende pafo di e prostaat.
  • C: Tumor a extende pafo y den vecindario di e prostaat.
  • D: Tumor a spreit den weso y otro organonan pafo di e prostaat (metastase).

Algun Forma di Tratamento

No ta tur tratamento ta traha mescos pa tur hende, pero tin varios opcion dependiendo di factornan manera edad, stadia di e malesa y e condishon di salud.
• Operacion/ Da Vinci (Robot). • Therapia di Radiacion. • Brachi therapia (radio actief). • Tratamento di Hormone. • Cryo Therapia/ Vries e celnan. • Therapia di Chemo Laser.

Pa mas informacion tocante tratamento, por tuma contactocu nos.

Cancer

TOP 10 TIPO DI CANCER DIAGNOSTICA NA ARUBA

 DURANTE 2007 – 2010 (Fuente: Lands Lab & Health Monitor 2013).

  • Cuero.
  • Pecho.
  • Prostaat.
  • Tripa.
  • Cueyo uterino (di e utero). 
  • Stoma.
  • Trachea/luchtpijp.
  • Curpa uterino (di e utero). 
  • Blaas di orina. 
  • Oesaphagus/slokdarm

Sintomanan di otro Problemanan di Prostaat,
un Motibo Tambe pa Bay bo Doctor di Cas

Sintomanan comun pa laga check bo prostaat

• Necesidad pa urina mas cu 3 biaha pa nochi.
• Dificultad pa cuminsa urina.
• Straal di urina ta fini of zwak.
• Despues di urina blaas no ta bashi.
• Lekmento di urina.
• Sanger den urina.

Sintomanan menos comun di problema cu prostaat

• Dolor ora di orina.
• Dolor ora di eyaculacion/ejaculating”.
• Problemanan di haya of keda cu un ereccion.
• Sanger den bo orina of sperma.

OTRO CONDICIONAN DI PROSTAAT​

Prostatitis

  • E prostaat tin un inflamacion
  • Den algun caso e ta wordo trata cu antibiotica.

Prostaat grandi/hincha

Prostaat Hipertrofia Benigno of BPH, e crecemento di e prostaat virtualmente ta afecta hende homber riba 50 aña. Sintomanan di orina cu dificultad tin tendencia di bira mas hopi segun cu edad ta subi. Medicamento of operacion por trata BPH. E sintomanan aki ta sosode pasobra e presion riba e canal di orina ta haci esaki smal y door di esaki bo blaas di orina tin cu traha mas hopi pa saca e orina. E specialista por hancha bo canal di orina pa bo por orina mas miho.

Bo tabata sa cu

• Si bo tin cancer den famia, e chens pa bo hanje ta 2 pa 3 biaha mas halto.
• Prostaat ta den e top 3 cancernan di Aruba.
• E casonan nobo di cancer di prostaat diagnostica den un aña den 2010 tawata mas cu dobbel compara cu 2007.
• Entre 800 caso registra na Aruba; awe e ta notabelmente mas.

Fundacion Contra Cancer di Prostaat.