Tocante Nos.
Ken Nos Ta
‘Ami tabata laat. Mi no kier pa otro ta!’
Historia
Aruba tin diferente fundacion cu ta enfoca principalmente riba problemanan di salud di hende muhe of cu tin iniciativanan specifico cu ta dirigi riba yudansa na muhe cu cancer. Ningun fundacion a dedica nan mes efectivamente na trata problemanan di salud di homber, particularmente cancer di prostaat. Pa e motibo aki, Fundacion Contra Cancer Di Prostaat (FCCP) a wordo estableci.
Fundacion Contra Cancer Di Prostaat a wordo funda na aña 2012. Rudy R. Rodriguez tabata e fundado y prome presidente di FCCP. Lamentablemente Rudy a fayece den su lucha contra cancer di prostatat na October 3, 2014. Su lema tabata: ‘Ami tabata laat. Mi no kier pa otro ta!’
Rudy R. Rodriguez
Fundado y prome Presidente di FCCP
Nos Metanan Principal
Nos ta duna informacion y recursonan di sosten pa pashentnan cu cancer di prostaat, nan famia y amigonan.
Nos ta yuda hombernan compronde e malesa compleho/complica aki cu ta ser haya den hombernan so.
Nos ta purba di promove e salud di e pashent cu tin cancer di prostaat.
Duna sosten emocional, conscientisa, stimula fe y speransa pa esnan cu tin cancer y nan sernan keri.
Duna testimonio di pashent.
Nos vision
Pa hombernan na Aruba no ta facil pa papia abiertamente tocante e topico aki. Hopi di nan ta sinti nan mes decepciona of preocupa ora e topico ta sali dilanti. Pa e motibo ey, ta hopi esencial pa homber crea un espacio unda nan por expresa nan mes na un manera comodo sin sinti nan mes vulnerable. FCCP ta sinti nan invulnerabel.
FCCP ta purba di contribui na e comunidad door di yuda kibra e barera di miedo of e tabu na Aruba pa haci test y busca tratamento pa malesanan cu ta concerni e cancer di prostaat. Nos kier inspira y fortalece hombernan pa duna prioridad na nan salud y informa nan cu e test di PSA ta un test di sanger simpel.
Loke nos kier pa abo hende homber sa: BO NO TA BO SO!
“Mas di 90% di tur cancer ta curabel, si e wordo detecta na tempo”
Kico/ken ta Nos Grupo Meta?
Tur homber cu tin cancer di prostaat.
Tur homber cu no sa cu nan tin cancer di prostaat, pa asina nan check nan PSA.
Nos Serviconan
- Charla: Nos ta duna charla na diferente empresanan pa nan empleadonan of cualkier persona interesa, pero nos tambe ta bay na luganan publico manera MFA pa elabora y splica tocante cancer di prostaat na e comunidad di Aruba.
- Entrevista: Nos ta participa den diferente shownan di radio, television y red social pa yega mas hende.
- Campaña: Den luna di november ta e luna unda nos ta celebra Cancer di prostaat.
- Guia personal: Tur hende por contact nos via WhatsApp of email si nan tin cualkier pregunta of duda.
Nos Team
